महेन्द्रनगर । जाजरकोट र रुकुमका भूकम्प पीडितलाई सुदूरपश्चिम सरकारले एक करोड आर्थिक सहयोग गरेको छ। शनिवार बसेको मन्त्रीपरिषद्को आकस्मिक बैठले भूकम्प पीडितका लागि कर्णाली प्रदेश सरकारलाई एक करोड आर्थिक सहयोग गर्ने निर्णय गरेको हो।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
कर्णाली प्रदेशको जाजरकोट जिल्लाको बगरकोट गाउँपालिका वडा नम्बर १ रामीडाँडा केन्द्रबिन्दु भएर शुक्रवार राति ११ः४७ मा आएको भूकम्पका कारण जाजरकोट र रुकुम पश्चिम लगायत क्षेत्रमा भएको मानवीय र भौतिक क्षति प्रति सुदूरपश्चिम प्रदेश सरकारले दुःख प्रकट समेत गरेको छ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
सुदूरपश्चिम सरकारले भूकम्प प्रभावित क्षेत्रमा तत्काल सहायता पुग्ने गरि एक करोड रुपैयाँ र स्वास्थ्य सामग्री सहित २० जना स्वास्थ्यकर्मीको टोली प्रभावित क्षेत्रमा पठाउने निर्णय भएको मुख्यमन्त्री कमलबहादुर शाहले जानकारी दिए।
![](https://nigaranikhabar.com/wp-content/uploads/2024/01/NNSWA.jpg)