Monday, April 22, 2024

सडक दुर्घटनामा ज्यान गुमाएका सुनारको घरपरिवारलाई वडाध्यक्ष खत्रीको सहयोग

प्रकाशित:

दोधारा । केही दिन अघि सडक दुर्घटनामा परि ज्यान गुमाएका गोपाल सुनारको घरपरिवारको आर्थिक अवस्था दैनिय रहेको हुदा मृतक सुनारका घरपरिवारमा सहयोग रकम हस्तान्तरण गरिएको छ।

दोधारा चाँदनी नगरपालिका– ५ का वडाध्यक्ष केशव खत्री र देश, बिदेशमा रहेका नेपालीहरुले मृतकका घरपरिवारलाई घाँउमा मलहम लगाउने उद्धेश्यले सहयोग संकलन गरि रकम हस्तान्तरण गरिएको हो ।

ज्यान गुमाएका गोपाल सुनारको बेसाहारा भएका धर्मपत्नी मैसरा सुनारलाई रु. १६ हजार १ सय रुपिँया हस्तान्तरण गरिएको वडाध्यक्ष केशव खत्रीले जानकारी दिएका छन् ।

आज अपरान्ह मृतक सुनारको घरमा पुगेर दोधारा चाँदनी नगरपालिका– ५ का वडाध्यक्ष केशव खत्रीले मृतक सुनारका धर्मपत्नी मैसरा सुनारलाई उक्त रकम हस्तान्तरण गरिएको वडाध्यक्ष केशव खत्रीले बताएका छन् ।

पिडाको बेलामा थोरै भएपनि आफुहरुले सहयोग संकलन गरि पिडित घरपरिवारलाई घाउमा मलहम लगाउने प्रयत्न गरेको उनले बताएका छन् ।

आर्थिक अवस्था निकै दैनिय रहेको मैसरा सुनारको २ छोरा रहेका छन् । घर बनाउन जग्गा समेत नभएको अवस्थामा बाटोको एक छेउमा उनको सानो छाप्रो छ् । शुकुम्वासी अवस्थामा रहेको मृतक सुनारका धर्मपत्नी मैसराको अवस्था निकै दर्दनाक रहेको बताईएको छ।

रकम हस्तान्तरण गर्दै वडाध्यक्ष खत्रीले आगामी दिनहरुमा आफुबाट हुने सहयोग कायमै रहने बताएका छन् । पिडाको बेला मृतकमा शान्ती र घरपरिवारमा धर्यधारण गर्ने ईच्छा शक्ती प्रदान होस् भनी वडाध्यक्ष खत्रीले ईश्वर संग प्राथना गरेका थिए ।

सो सडक दुर्घटनामा गोपाल सुनारको मृत्यु भएको थियो भने, भिम बहादुर थापाको भारतको खटिमा शहरको एक निजी अस्पतालमा सघन उपचार भईरहेको छ् । दुबै घरपरिवारको आर्थिक अवस्था दैनिय रहेको हुदा स्थानिय युवाहरुले आर्थिक संकलन गरि सहयोग गर्दै आएका छन् ।

ताजा समाचार

सम्बन्धित समाचार