दोधारा । दोधारा चाँदनी नगरपालिका क्षेत्रमा संरक्षित जनावर निलगाईले स्थानिय किसानको अन्नवाली खाएर नष्ट गरेको छ । निलगाईको आतकले स्थानीय किसान हैरान भएका छन् ।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
शुक्लाफाँट राष्ट्रिय निकुञ्ज र भारतिय जंगलबाट बस्ती भित्रिएको जंगली निलगाईले खेतवाली नष्ट गरेको छ ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
हुल बाँधेर बस्तीमा पस्ने निलगाईले दोधारा चाँदनी नगरपालिका– ७ कञ्चनभोज क्षेत्रको सुबेदीटोल, सिरुवारे टोल, बन्दुके टोल लगाएत बस्तीमा किसानहरुको धान, मकै र भटमास खाएर नष्ट गर्दै आएको स्थानियहरले बताएका छन् ।
![](https://nigaranikhabar.com/wp-content/uploads/2024/01/NNSWA.jpg)
कञ्चनभोज क्षेत्रका बस्तीहरुमा निलगाईले किसानले झण्डै ५ बिघाहमा लगाएको धान, मकै र भटमास खाएर नष्ट गर्दै आएको स्थानियबासी रामसिंह खड्काले बताएका छन् ।
रातीको समयमा हुल बाँधेर किसानले लगाएको धान, मकै र भटमास खाएर नष्ट गर्दै आएको स्थानिय रामसिंह खड्काले बताए ।
यस्तै दोधारा चाँदनी नगरपालिका–७ को संसारीटोल, वडा नं. ३ को बडुवाल टोल, जामुनाघारी लगाएत शुक्लाफाँट राष्ट्रिय निकुञ्ज र भारतिय जंगल ससंग जोडिएका बिभिन्न बस्तीमा निलगाईले किसानको अन्नवाली खाएर नष्ट गर्दै आएको छ ।
निलगाईले अन्नवाली नष्ट गर्न थाले संगै किसानहरु निलगाई धपाउन रातभर खेतमै बिताउन गरेको बताईएको छ ।
राती जाग्राम बसेर किसानहरु अन्नवालीको पहेरिदारी गर्दै आएपनि मध्यरातमा हुलका हुल निलगाई तथा जंगली जनावरले बाली नष्ट पार्दै आएको छ ।