महेन्द्रनगर । कञ्चनपुरको पुनर्वास नगरपालिका- ४ सीमा क्षेत्रबाट लाखौँ भारु रकम सहित ३ जनालाई सशस्त्र प्रहरीले पक्राउ गरेको छ ।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
शुक्रबार पुनर्वास नगरपालिका ४ क्षेत्रबाट १५ लाख भन्दा बढि रकम सहित तीन जालाई पक्राउ गरेको हो ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
पुर्नवासका स्थानीय पत्रकारकै सामु पक्राउदेखि उनीहरुमाथि खान तलासी गरेपनि सशस्त्र प्रहरीले यस बारेमा अहिले आधिकारिक विवरण सार्वजनिक गरेको छैन ।
![](https://nigaranikhabar.com/wp-content/uploads/2024/01/NNSWA.jpg)
तर सशस्त्र प्रहरी स्रोतका अनुसार १५लाख २८ हजार रुपैँया भारु सहित तीन जनालाई पक्राउ गरेको छ । पक्राउ पर्नेमा गोदाबरी नगरपालिका ८ कैलालीका अमर भुल, खडक सिह भुल र आलिताल गाँउपालिका ५ डडेल्धुराका बिरेन्द्र सार्की रहेका छन ।
उनीहरुले सशस्त्र प्रहरी सामु मालिकको घरबाट चोरी गरेर ल्याएको बयान दिएका छन । घटनाबारेमा सशस्त्र प्रहरीले थप अनुसन्धान भईरहेको भन्दै आधिकारिक रुपमा जानकारी दिएको छैन ।