महेन्द्रनगर ।
२१ माघ । महेन्द्रनगर माद्यमिक विद्यालय, साधारण स्कुलले तीन तले भवनको उद्घाटन गरेको छ । शनिवार एक कार्यक्रम आयोजना गर्दै भीमदत्त–१८ मा रहेको महेन्द्रनगर मावि साधारण स्कुलले तीन तले भवनको उदेघाटन गरेको हो ।
सुदूर पश्चिम प्रदेश सभा सदस्य, कञ्चनपुर क्षेत्र नं. (ख) बाट निर्वाचित प्रदेश सभा सांसद बेलबहादुर रानाले साधारण स्कुलको उक्त भवन र विद्यार्थी छात्रवासको उद्घाटन गरेका हुन् । विद्यार्थीहरुको पठनपाठनका लागी साधारण स्कुलले १२ कोठे तिन तले भवन र सात कोठे विद्यार्थी छात्रवास भवनको निर्माण सम्पन्न पश्चात् शनिवार उदेघाटन गरेको हो ।
सुदुर पश्चिम प्रदेश सरकारको अनुदानमा महेन्द्रनगर मावि साधारण स्कुमा उक्त भवन र छात्रवास बनेको विद्यालय व्यवस्थापन समितिका अध्यक्ष बिरेन्द्र राज बिष्टले बताए । देशकै लागि नमुना विद्यालय बन्न सफल साधारण स्कुलमा नर्सरी देखी १० सम्म नेपाली र अग्रेजी दुवै माध्यममा पढाई हुँदै आएको छ ।
उक्त विद्यालयमा विज्ञान देखि प्राविधिक धारसम्मका विषयहरु समेत पढाई हुने गरेको छ । विद्यालयमा नर्सरी देखि १२ सम्म अग्रेजी–नेपाली माध्यम तथा प्राविधिक धारमा जम्मा २ हजार ५ सय २ जना विद्यार्थीहरु पठनपाठन गर्दै आएको प्रधानाध्यापक साउँदले बताए ।
प्रदेश सभा सांसद राना प्रमुख अतिथी रहेको उक्त भवन उद्घाटन कार्यक्रममा विद्यालयको प्रगती विवरण प्रधानाध्यापक ललित सिंह साउदले प्रस्तुत गरेका थिए, भने कार्यक्रम सञ्चालन सह–प्रधानाध्यापक सरस्वती भाटले गरेकी थिइन् ।
