२०७९ माघ १३, शुक्रबार |
Friday, January 27, 2023

कञ्चनपुरको भीमदत्त नगरपालिका–१८ मा मुक्त कमलरीहरूको माघी कार्यक्रम

प्रकाशित:

महेन्द्रनगर । मुक्त कमलरी विकास मञ्च शाखा कञ्चनपुरले माघी मिलन, सांस्कृतिक तथा शुभकामना आदान प्रदान गरी कार्यक्रम मनाएकोे छ ।

भीमदत्त नगरपालिका–१८ स्थिति भगतपुर खानेपानी टंयाकी नजिक योगशालामा आयोजित उक्त कार्यक्रममा विभिन्न सांस्कृतिक नृत्यहरु प्रस्तुतीका साथै बिभिन्न थरीका थारु पकवान समेत बाडेका थिए ।

थारु समुदायले हर्ष उल्लासका साथ मनाउने माघी पर्वको पूर्व सन्ध्यामा शुक्रबार मञ्च संगै सह आयोजक मदन आश्रित टोल, मनकामना र लाली गुरास टोल, शान्ती कामना टोलले संयुक्त रुपमा माघी मिलन, कार्यक्रम मनाएको हो ।

सुदूरपश्चिममा माघी पर्वलाई विशेष रुपमा लिईन्छ, भने थारु जातिले यसलाई नयाँ वर्षका रुपमा मनाउने गर्दछन् ।

यस दिन थारु समुदायमा बडघर चयन पनि गर्ने गर्दछन् । खानाका विभिन्न परिकार बनाएर एक आपसमा बाडेर खाने चलन छ ।

उक्त कार्यक्रमको सभापति मुक्त कमलरी विकास मञ्च शाखा अध्यक्ष सीता चौधरी रहेकी थिइन् ।

माघीको यस कार्यक्रममा मुक्त कमलरी सबै बालबालिकाहरुलाई कपडा समेत वितरण गरिएको थियो ।

प्रमुख अतिथीमा पूर्व माननीय निरु देवी पाल, विशिष्ट अतिथीमा भीमदत्त नगरपालिकाका नगर प्रमुख पदम बोकटी, निर्वतमान नगर प्रमुख सुरेन्द्र विष्ट रहनु भएको थियो ।

ताजा समाचार

सम्बन्धित समाचार