२०७९ माघ १३, शुक्रबार |
Friday, January 27, 2023

कञ्चनपुरको पूर्व–पश्चिम राजमार्ग अर्जुनी ब्यारेक नजिक मोटरसाइकल दुर्घटनामा एकजना युवाको मृत्यु

प्रकाशित:

 

महेन्द्रनगर । कञ्चनपुरको पूर्व–पश्चिम राजमार्ग अन्तर्गत शुक्लाफाँटा नगरपालिका–५ अर्जुनी ब्यारेक नजिक मोटरसाइकल दुर्घटना हुँदा एक जना युवाको मृत्यु भएको छ।

जिल्ला प्रहरी कार्यालय कञ्चनपुरका प्रवक्ता प्रहरी निरीक्षक भरत गिरीका अनुसार से ७ प २८४२ नम्बरको मोटरसाइकल आफैँ अनियन्त्रित भएर दुर्घटना हुँदा कृष्णपुर नगरपालिका–९ का २४ वर्षीय हरिश ऐरको मृत्यु भएको हो ।

अर्जुनी ब्यारेक नजिकको घासे मैदानस्थित सडकमा दुर्घटना भएको थियो । आफैँ अनियन्त्रित भएर मोटरसाइकल सडक भन्दा १५–२० मिटर टाढा खसेको प्रत्यक्षदर्शीले बताए।

उनको शवलाई अहिले महाकाली प्रादेशिक अस्पतालमा राखिएको र घटनाबारे थप अनुसन्धान भइरहेको प्रहरी निरीक्षक गिरीले बताए।

ताजा समाचार

सम्बन्धित समाचार