२०७९ माघ २४, मंगलवार |
Tuesday, February 7, 2023

कञ्चनपुरः कांग्रेस नेता लेखकको शानदार जित, धामीलाई पाखा लगाउँदै नेता साउँद विजयी, कञ्चपुर–१ बाट चम्किए तारा

प्रकाशित:

महेन्द्रनगर । मंसिर ४ गते सम्पन्न प्रतिनिधि तथा प्रदेश सभा निर्वाचनमा कञ्चनपुरका दुई निर्वाचन क्षेत्रमा नेपाली कांग्रेसले जित हासिल गरेको छ, भने एकमा नेकपा एमाले विजयी भएको छ । कञ्चनपुरको निर्वाचन क्षेत्र नं. २ बाट नेपाली कांग्रेसका नेता एनपी साउँदले ६ हजार ४५५ मतान्तर सहित विजय हासिल गरेका छन् । उनका निकट्तम प्रतिस्पर्धी नेकपा एमालेका नेता नरबहादुर धामीले २१ हजार ६४५ मत ल्याएका हुन्, भने नेता साउँदले २८ हजार १०० मत प्राप्त गर्दै विजय हासिल गरेका हुन् ।

०७४ को निर्वाचनमा नेता साउँदलाई धामीले जितेका थिए भने्, यसपटक माओवादी केन्द्र संगको गठबन्धनबाट नेता साउँदले जित हासिल गरे ।

कञ्चनपुर निर्वाचन क्षेत्र नं. ३ बाट कांग्रेस नेता रमेश लेखकले प्रतिस्पर्धीलाई फराकिलो मतान्तरले पाखा लगाउदै शानदार जित ग्रहण गरेका छन् । माओवादी–कांग्रेस गठबन्धनबाट उम्मेदवार बनेका नेता लेखकले राप्रपा–एमालेको गठबन्धनबाट चुनावी प्रतिस्पर्धामा उत्रिएकी नेतृ निरुदेवी पाललाई १२ हजार ७५ को मतान्तरले पाखा लगाएका हुन् ।

नेता लेखकले ३० हजार ५२३ मत ल्याउदा एमाले नेतृ पालले १८ हजार ४४८ मत मात्रै ल्याउन सकिन् । पाल ०७४ मा एमालेबाट समानुपातिक सांसद समेत हुन् । कांग्रेस नेता लेखक ०७४ को निर्वाचनमा एमालेका डा. दिपक प्रकाश भट्ट संग झिनो मतले मात्रै पराजित भएका थिए ।

कञ्चनपुर निर्वाचन क्षेत्र नं. १ मा भने माओवादी–कांग्रेस गठबन्धनकी साझाँ उम्मेदवार बिना मगर एमाले नेता तारा लामा तामाङ्ग संग पराजित भएकी छिन् । । मत गणनाको सुरुवाती अग्रता लिएका एमाले नेता तारा लामा तामाङ्गले बिना मगरलाई फराकिलो मतान्तरले पराजित गर्दै विजय भएका छन् ।

त्यस्तै कञ्चनपुर–१(१) बाट प्रदेश सभा सदस्य सदस्यका लागि एमालेका नेता बिर बहादुर थापा (पातल) एक हजार ५३ मतका साथ साथ विजयी भएका छन् । थापाका निकटतम प्रतिस्पर्धी नेपाली कांग्रेसका बन्धु रानाले ११ हजार ६ मत ल्याउदा उानले १२ हजार ३५९ मत ल्याए ।

कञ्चनपुर १(२) मा भने कांग्रेस नेता दिवान सिंह बिष्ट विजय भएका छन् । नेता बिष्ट ९१७ मतका साथ विजयी भएका हुन् । कांग्रेसका बिष्टले ८ हजार ५२० मत ल्याए भने्, उनका निकटतम प्रतिस्पर्धी एमालेका पल्लब राज भट्टले ७ हजार ६०३ मत प्राप्त गरे ।

कञ्चनपुर क्षेत्र नं. २ (१) बाट लोकतान्त्रिक वाम गठबन्धनका साँझा उम्मेदवार माओवादी नेता ओम विक्रम भाट (सरल) ४७५ मतको फरकले विजयी भएका छन् । माओवादी नेता भाटका निकटतम प्रतिस्पर्धी एमालेका बचन बहादुर सिंहले १० हजार ४५० मत ल्याउदा उनले १० हजार ९२५ मत प्राप्त गर्दै विजय हासिल गरेका हुन् ।

कञ्चनपुर २(२) बाट प्रदेश सभा सदस्यमा नेपाली कांग्रेसका नेता बहादुर सिंह थापा विजय भएका छन् । थापाले एमालेका कृपाराम रानालाई एक हजार ७२६ मतले पछाडी पारे ।

कांग्रेस नेता थापाले १० हजार ६४५ मत ल्याउदा एमालेका रानाले ८ हजार ९४२ मत प्राप्त गरे । कांग्रेस नेता थापा ०७४ को निर्वाचनमा लालबहादुर खड्का संग पराजित भएका थिए ।

त्यस्तै कञ्चनपुर–३ (१) बाट प्रदेश सभा सदस्यका लागि नेकपा एकिकृत समाजवादीका प्रकाश रावल विजयी भएका छन् । नेता रावलले कांग्रेस–माओवादी र एमाले–राप्रपाको गठबन्धनलाई परास्त गर्दै एक हजार ८७० मतका साथ विजय हासिल गरेका हुन् । उनले कांग्रेस–माओवादी गठबन्धनका साझाँ उम्मेदवार टेकेन्द्र प्रसाद भट्ट र एमाले–राप्रपा गठबन्धनका धर्मराज जोशीलाई पाखा लगाउदै शानदार जित गरेका छन् ।

नेता रावलले ८ हजार ७१८ मत प्राप्त गर्दा उनका निकटतम प्रतिस्पर्धी धर्मराज जोशीले ६ हजार ८५८ मत प्राप्त गरे भने, लोकतान्त्रिक वाम गठबन्धनका साझाँ उम्मेदवार भट्टले ६ हजार १९५ मत मात्रै ल्याउन सके । माओवादी नेता भट्ट र रावल बिच केन्द्र गठबन्धनले मित्रवत प्रतिस्पर्धाको नाम दिएको थियो ।

कञ्चनपुर ३(२) बाट कांग्रेस नेता बेलबहादुर राना मगर फराकिलो मतान्तर सहित बिजय भएका छन् । रानाले एमाले–राप्रपाको गठबन्धनका सयुक्त उम्मेदवार अर्थात एमाले कञ्चनपुरका अध्यक्ष, भीमदत्त नगरपालिकाका निवर्तमान मेयर सुरेन्द्र बिष्टलाई ५ हजार ६०४ को मतान्तरले चुनाव पराजित गरेका छन् ।

०७४ को निर्वाचनमा माओवादी नेता मान बहादुर सुनार संग पराजित भएका कांग्रेस नेता रानाले यसपटक एमालेका सुरेन्द्र बिष्टलाई फराकिलो मतान्तरले पराजित गरे । कांग्रेसका रानाले १६ हजार १५२ मत प्राप्त गर्दा एमालेका बिष्टले १० हजार ५४८ मत मात्रै प्राप्त गर्न सके ।

ताजा समाचार

सम्बन्धित समाचार