महेन्द्रनगर। नेपाली कांग्रेसका केन्द्रीय सदस्य एवम् पूर्वमन्त्री एनपी साउदले जग्गा नापजाँच गरेर एक वर्षभित्र लालपुर्जा जनताको हातहातमा पु-याउने प्रतिवद्धतता जनाएका छन् ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
कञ्चनपुर क्षेत्र नं. २ मा वाम लोकतान्त्रिक गठबन्धनको तर्फबाट साझा उम्मेदवार समेत रहेका साउदले कृष्णपुर नगरपालिका–१ मा आयोजित चुनावी सभालाई सम्बोधन गर्दै यस्तो प्रतिवद्धता जनाएका हुन् ।
![](https://nigaranikhabar.com/wp-content/uploads/2024/01/NNSWA-NEW-AD.jpg)
‘भूमि आयोग गठन भएर काम गरिरहेको छ, नापीको प्रक्रिया यहीँ आर्थिक वर्षभित्र टुङग्याउँछौँ,’ उनले भने, ‘यो आर्थिक वर्षभित्रमा हात हातमा लालपुर्जा पु-याउने हामीले अठोट गरेका छौं, यो काम जसरी पनि गर्ने बचनवद्धता प्रकट गर्न चाहन्छु ।’
![](https://nigaranikhabar.com/wp-content/uploads/2024/01/Mantra-Hospital-MNR.webp)
नेकपा एमालेका अध्यक्ष केपी शर्मा ओलीको सरकारका पाला लालपुर्जा पाउन तिर्नु पर्ने राजश्वको आधा मात्रै राजश्व तिरेर जग्गाधनि पुर्जा पाउने व्यवस्था मिलाएको उनले बताए । यसले जनतालाई ठूलो सहुलियत हुने उनले विश्वास व्यक्त गरे ।