महेन्द्रनगर । नेपाली कांग्रेस कञ्चनपुरले २३ र २४ जेठमा जिल्ला स्तरिय प्रशिक्षक प्रशिक्षण तालिम (TOT) आयोजना गर्ने भएको छ ।
कांग्रेस कञ्चनपुर प्रशिक्षण शाखाको आयोजना एवं केन्द्रीय नीति अनुसन्धान तथा प्रशिक्षण प्रतिष्ठानको संयोजनमा कञ्चनपुरको सदरमुकाम महेन्द्रनगरमा शुक्रवार र शनिवार (२३ र २४ जेठ) पार्टीका जिल्ला पदाधिकारी, महासमिति सदस्य, महाधिवेशन प्रतिनिधि, जिल्ला सदस्य एवं क्षेत्र, प्रदेश, नगर, गाउँ कार्यसमितिका पदाधिकारी लगायतलाई जिल्ला स्तरिय प्रशिक्षक प्रशिक्षण तालिम (TOT) दिइने भएको छ ।
महेन्द्रनगर स्थित कञ्चनपुर उद्योग वाणिज्य संघको हलमा उक्त कार्यक्रम आयोजना गर्न लागिएको नेपाली कांग्रेस कञ्चनपुरका उपसभापति मिन बहादुर सिंहले बताए । उपसभापति सिंहका अनुसार दुई दिन सञ्चालन हुँने उक्त तालिमको उद्घाटन सत्रका प्रमुख अतिथी नेपाली कांग्रेसका केन्द्रीय सदस्य एवं पुर्व मन्त्री एनपी साउँद रहनेछन् ।
शुक्रवार बिहान ८ बजे देखि उक्त तालिममा सहभागिता जनाउनकालागि नाम दर्ता खुला रहने र ९ बजे उद्घाटन सत्र रहेको नेपाली कांग्रेस कञ्चनपुरले जनाएको छ । पार्टीले एक सूचना जारी गर्दै सहभागिताका लागि आह्वान गरेको छ ।
