काठमाडौं । काभ्रेको धुलिखेलमा रहेको मानव कल्याण सेवा समाज घरमा सुतेकी एक जना महिला मृत भेटिएकी छन् ।
करिब ३५ की माइली मानव मगर नाम गरेकी महिला शनिबार राति आफैं सुत्ने ओछ्यानमा मृत अवस्थामा फेला परेको प्रहरीले जनाएको छ । उनी सोही घरमा बस्दै आएकी थिइन् ।
प्रहरीका अनुसार ती महिलालाई भक्तपुरको सुर्यबिनायक नगरपालिका-७ गुण्डु बाट २०७६ चैत १० गते बेवारिसे अवस्थामा फेला पारी उद्धार गरेर त्यहाँ राखिएको पाइएको छ ।
मृतकको शव शनिबार राति करिब एक बजे पोस्टमार्टमका लागि धुलिखेल अस्पतालमा पठाइएको प्रहरीले जनाएको छ ।
