कञ्चनपुर। कैलालीमा लागुऔषधसहित दुई युवक पक्राउ परेका छन्।
धनगढी उपमहानगरपालिका–१२ पट्रीघाटबाट लागुऔषध खैरो हेरोइनसहित उनीहरु पक्राउ परेका हुन।
पक्राउ पर्नेमा धनगढी उपमहानगरपालिका–७ का २३ वर्षीय भजौरा राना र २४ वर्षीय प्रकाश रानालाई २४० मिलिग्राम लागु औषध खैरो हेरोइनसहित प्रहरीले पक्राउ गरेको छ।
सु.प.प्र.०१–०१२ प ३७४ नम्बरको मोटरसाइकललाई शंका लागि जाँच गर्दा उनीहरुको साथमा खैरो हेरोइन फेला परेको थियो।
यस्तै, धनगढी उपमहानगरपालिका–१२ पट्रीघाटबाट लागुऔषध खैरो हेरोइनसहित अर्का युवक पनि पक्राउ परे। पक्राउ पर्नेमा धनगढी उपमहानगरपालिका–८ धनगढीगाउँका २८ वर्षय सुरेन्द्र राना छन्।
सु.प.प्र.०१–०१० प ९६८१ नम्बरको मोटरसाइकललाई शंका लागि जाँच गर्दा ५१० मिलिग्राम लागु औषध खैरो हेरोइन फेला परेको थियो।
