कैलाली। कैलालीको धनगढीमा टिप्परको ठक्करबाट एक जना घाइते भएका छन्।
धनगढी उपमहानगरपालिका–४ उत्तरबेहडी नजिक सहिदगेटबाट हसनपुरतिर जाँदै गरेको कञ्चनपुरको बेदकोट नगरपालिका–१० का दिपकराज भट्टले चलाएको सुदूरपश्चिम प्रदेश ०१००१ ख २२२१ नम्बरको टिप्परले ठक्कर दिँदा दुर्घटना भएको हो।
टिप्परको ठक्करबाट गोदावरी नगरपालिका–४ का मोटरसाइकल चालक ६४ वर्षीय भक्तबहादुर साहु घाइते भएका छन्।
उनको दायाँ खुट्टा, दाहिने हात र मुखमा चोट लागेको छ। टिप्पर र चालकलाई नियन्त्रणमा लिएको प्रहरीले जनाएको छ।
