कञ्चनपुर। कैलालीमा बस दुर्घटना हुँदा चालकको मृत्यु भएको छ। गोदावरीबाट धनगढीतर्फ आउँदै गरेको बस दुर्घटना हुँदा बझाङ दुर्गाथली गाउँपालिका– ५, भलान्याका २५ वर्षीय मोहन जप्रेलको मृत्यु भएको हो।
जिल्ला प्रहरी कार्यालयका अनुसार अनुसार गोदावरी नगरपालिका–४, वनदेवीस्थित सडकमा सु.प.प्र. ०१–००१ ख ३२२८ नम्बरको बस अनियन्त्रित भएर सोमबार राति दुर्घटना भएको थियो ।
दुर्घटना हुँदा बस चालक जप्रेल घाइते भएका थिए । उनको सेती प्रादेशिक अस्पताल धनगढीमा उपचारका क्रममा मृत्यु भएको प्रहरीले जनाएको छ।
