कञ्चनपुर। कञ्चनपुरको लालझाडी गाउँपालिका–१ बिनवारीमा पतिपत्नीको शव भेटिएको घटनामा अनुसन्धानका लागि तालिम प्राप्त कुकुर परिचालन गरिएको छ।
सुदूरपश्चिम प्रदेश प्रहरी कार्यालयबाट तालिमप्राप्त कुकुर मगाएर प्रहरी टोली अहिले घटनास्थलमा छ। घटनास्थल अहिले सील गरिएको छ।
जिल्ला प्रहरी कार्यालय कञ्चनपुरका डीएसपी उमेश जोशी आफै घटनास्थल पुगेका छन्।
शुक्रबार बिहान बिनवारीमा ४६ वर्षीया रमेश बडायक र उनकी श्रीमती ४३ वर्षीया कमला बडायकको रक्ताम्य अवस्थामा शव भेटिएको हो।
