सुर्खेत । अछामको मटेना क्षेत्रमा नेकपा (माओवादी केन्द्र) निकट विद्यार्थी संगठन अखिल क्रान्तिकारीका कार्यकर्ताहरू सवार जिप दुर्घटनामा परेको छ। बुधबार दिउँसो ३:३० बजेतिर भएको दुर्घटनामा परी ८ विद्यार्थी घाइते भएका छन्।
घाइतेहरूलाई उपचारका लागि बयलपाटा अस्पताल पठाइएको छ। जिल्ला प्रहरी कार्यालय अछामका सूचना अधिकारी प्रहरी निरीक्षक जय पार्कीका अनुसार, सुदूरपश्चिम प्रदेश ०१००१ ज. १२३८ नम्बरको जिप साँफेबगरबाट सदरमुकाम मंगलसैन जाँदै गर्दा अनियन्त्रित भएर नालामा पल्टिएको थियो।
जिपका चालक लक्ष्मण साउँदलाई प्रहरीले नियन्त्रणमा लिएको जानकारी पार्कीले दिएका छन्।
