महाकाली नदीमा अज्ञात पुरुषको शव फेला

महेन्द्रनगर। महाकाली नदीमा एक अज्ञात पुरुषको शव फेला परेको छ।

शव कञ्चनपुरको भीमदत्त नगरपालिका–९ ब्रह्मदेवस्थित खल्ला जाने बाटो नजिक रुखमा अड्किएको अवस्थामा फेला परेको हो।

प्रहरी कार्यालय महेन्द्रनगरका अनुसार, मृतक पुरुषको नाम, थर, र वतन नखुलेको भए पनि अन्दाजी ३५-४० वर्ष उमेरका रहेको अनुमान गरिएको छ।

प्रहरीले शवको पहिचानको लागि अनुसन्धान सुरु गरेको जनाएको छ।