कैलाली । धनगढी विमानस्थलमा चेकजाँचको क्रममा सोमबार बिहान २१ वटा आईफोनसहित एकजना व्यक्ति पक्राउ परेका छन्। कैलाली जिल्ला प्रहरी कार्यालयका अनुसार, २७ वर्षीय राजु चौधरीलाई विमानस्थलको दक्षिणतर्फको यात्रु प्रवेश द्वारमा रहेको एक्स रे मेसिनबाट चेकजाँच गर्दा पक्राउ गरिएको हो।
चौधरीले कार्टुनमा प्याक गरेर ल्याएका ती आईफोनको अन्दाजी मूल्य ८ लाख ४० हजार रुपैयाँ बराबरको रहेको प्रहरीको भनाइ छ। पक्राउ परेका चौधरीलाई नियन्त्रणमा लिएर बरामद सामग्रीसहित थप कारबाहीका लागि त्रिनगर भन्सार कार्यालय पठाइएको जनाइएको छ।
