महेन्द्रनगर । कञ्चनपुरको भीमदत्त नगरपालिका–३ ब्रह्मदेव रोड लिङ्कमा ट्याक्टरले साइकललाई ठक्कर दिँदा एक जना साइकल यात्रीको घटना स्थल मै मृत्यु भएको छ ।
मंगलबार बिहान ७ः ४० बजे ब्रह्मदेव रोड लिंक हुँदै महेन्द्रनगर बजार तर्फ आइरहेको म १ त १०१७ नम्बरको ट्याक्टरले बजार तर्फ नै आइरहेको साइकललाई ठक्कर दिँदा भीमदत्त–६ हल्दुखालकी ३४ वर्षिय पार्वती भट्टको घटनास्थलमै मृत्यु भएको जिल्ला प्रहरी कार्यालयक कञ्चनपुरका प्रहरी प्रवक्ता डीएसपी उमेश जोशीले बताए ।
ट्याक्टर चालक भीमदत्त–३ तिलकपुरका ३८ वर्षीय समिर कुमार सिंहलाई प्रहरीले नियन्त्रणमा लिएको छ । उक्त घटनामा थप अनुसन्धान भइरहेको प्रहरीले जनाएको छ ।
