महेन्द्रनगर । कञ्चनपुरको दोधारा चाँदनी नगरपालिकामा व्यवसाय दर्ता अभियान २०८० आज देखि सुरु गरिएको छ।
‘तपाईं हाम्रै कर समृद्ध दोधारा चाँदनी नगर’ भन्ने नाराका साथ उक्त नगरपालिकाको आयोजनामा उक्त अभियान सञ्चालन गरिएको हो ।
उक्त कार्यक्रममा प्रमुख अतिथी नगर प्रमुख किशोर लिम्बू लगाएत विशिष्ट अतिथीमा नगर उपप्रमुख गङ्गा जोशी र वडा नम्बर-९ का वडा अध्यक्ष गोपिलाल कडेलको सहभागिता रहेको थियो ।
त्यसैगरी व्यवसाय संचालन रहेको वडाको वडा कार्यालय र नगरपालिका कार्यालयमा व्यवसाय दर्ता गर्नका साथै नविकरण गर्न छुट व्यवसायिहरुले व्यवसाय दर्ता अभियान २०८० मा सहभागी बन्न र असल व्यवसायिक परिचय गराउन उक्त कार्यक्रम सञ्चालन भएको छ ।
वडा नम्बर सातका वडाध्यक्ष ज्ञानेन्द्र बहेक क्षेत्रीको सभादक्षतामा उक्त कार्यक्रमको उदघाटन गरिएको थियो ।
स्थानीय व्यापारी व्यवसायहरुको माझ दोधारा चाँदनी नगरपालिका वडा नम्ब- ७ बाबाथान बजारमा उक्त कार्यक्रमको समापन भएको थियो ।
