महेन्द्रनगर । अछाममा जंगली भालुको आक्रमणबाट दुई किशोरी गम्भीर घाइते भएका छन् ।
अछामको रामारोशन गाउँपालिका–५ सालिनकोटमा आज (बुधवार) बिहान ६ः४५ बजेतिर जंगली भालुको आक्रमणबाट स्थानीय दुई किशोरी गम्भीर घाइते हुँदा हेलिकप्टर मार्फत उद्धार गरी उपचारका लागि नेपालगञ्ज मेडिकल कलेज कोहलपुर लगिएको छ ।
रामारोशन–५ बस्ने १९ वर्षिय किरण शाह र २० वर्षिय पावर्ती शाहलाई जंगली भालुले आक्रमण गर्दा गम्भीर घाइते भएका हुन् ।
जंगली भालुको आक्रमणमा परेका दुवै किशोरीहरुको अछाममा उपचार सम्भव नभएपछि हेलिकप्टर मार्फत उनीहरुलाई नेपालगञ्ज मेडिकल कलेज कोहलपुर लगिएको हो ।
स्याउला काट्न घर नजिकै रहेको सामुदायिक वन शालिमकोट जानेक्रममा अचानक जंगली जनावर भालुले आक्रमण गर्दा दुवै किशोरीहरु गम्भीर घाइते भएका हुन् । जंगली भालुले अनुहार–टाउकोमा गम्भीर चोट पुर्याएको छ ।
