महेन्द्रनगर । कञ्चनपुरका पत्रकार हरिलाल जोशी सम्मननित भएका छन् । कञ्चनपुरको दक्षिणी क्षेत्र पुनर्वासमा रहि विभिन्न सामाजिक पक्षहरुमा कलम चलाउँदै आएका पत्रकार जोशी सम्मानित भएका हुन् ।
बुधबार पुनर्वास नगरपालिका–३ मा रहेको कालिका कृषि बहुउद्धेश्यीय सहकारी संस्था लिमिटेडको १४ औं वार्षिक साधारण सभाबाट पत्रकार जोशी सम्मनित भएका हुन् ।
पत्रकार जोशीले सहकारी संस्थाको विभिन्न कार्यक्रम एवं कारोवारहरुको उजागर हुने गरी समाचार लेखन तथा प्रकाशन गरी संस्थाको उन्नति तथा प्रगतीमा उल्लेखनिय सहयोग पुर्याएकोमा सम्मान गरिएको सहकारीका अध्यक्ष शुकबहादुर तामाङले बताए ।
२०६८ साल देखि सञ्चारकर्ममा रहेका पत्रकार जोशी श्रम–सृजना राष्ट्रिय दैनिक, हेल्लो पुनर्वास र बागमती टेलिभिजनमा गरी एक दशक देखि प्रत्रकारिता क्षेत्रमा सक्रिय छन् । एक वर्ष अघिदेखि पत्रकार जोशीले कैलाली कञ्चनपुरमा विश्व खोज दैनिक पत्रिका प्रकाशन गर्दै आएका छन् ।
