महेन्द्रनगर । होटल व्यवसायी महासंघ, सुदूरपश्चिमको अध्यक्षमा डडेल्धुराका रमेश प्रसाद जोशी विजयी भएका छन् । कञ्चनपुरका होटल व्यवसायी एवं पर्यटन उद्यमी परमानन्द भण्डारीलाई पराजित गर्दै डडेल्धुराका जोशी अध्यक्षमा विजयी भएका हुन् ।
डडेल्धुरामा रहेको क्लासिक होटलका सञ्चालक समेत रहेका जोशीले २४ मत सहित विजय हासिल गर्दा कञ्चनपुरका भण्डारीले १७ मत मात्रै पाए । कञ्चनपुरका भण्डारी होटल न्यू आनन्द एवं सिद्धार्थका सञ्चालक हुन् ।
त्यस्तै उपाध्यक्षमा कञ्चनपुरकै रामचन्द्र रेग्मी, महासचिवमा तेजबहादुर बोहरा, कोषाध्यक्ष ज्ञानेन्द्रबहादुर सिह भने सर्वसम्मत चयन भएका छन् ।
सदस्यमा विष्णा बोहरा, सीता चौधरी, पूजा रावल, मनिषा खत्री, ज्ञानबहादुर चौधरी, सन्तोष नाथ, भीम देउवा, दिपकबहादुर रावर र नरेन्द्रबहादुर चन्द चयन भएका छन् ।
