दोधारा । गुरुङ समुदायमा पुरानो वर्षलाई बिदाइ र नयाँ वर्षलाई स्वागत गरी ‘तमुल्होसार’ पर्व मनाउन दोधारा चाँदनी नगरपालिकामा तमु समाज तयारीमा जुटेको छ।
दोधारा चाँदनी नगरपालिकामा छरिएर रहेका गुरुङ्ग जातीहरुले जातिय संरक्षणको लागी संगठित निमार्ण गरेको तमु समाज दोधारा चाँदनीले आउदो पुष १५ गते दोधारा चाँदनी नगरपालिका– ७ बुद्धनगरमा यस वर्ष पनि भब्यताको साथ ‘तमुल्होसार’ मनाउने तयारीमा जुटेको छ ।
शनिवार बसेको तमु समाजको एक बैठकले बिगतका दिनहरु जस्तै परम्परागतरुपमा ‘तमुल्होसार’ मनाउने भएको हो । ‘ल्हो’ को अर्थ वर्ष र ‘सार’ को अर्थ फेरिनु भएकाले वर्ष फेरिने दिनलाई ‘तमु ल्होसार’ भनिएको गुरुङ समुदायको विश्वास छ ।
परापूर्वकालमा गुरुङ समुदायले वर्षलाई गन्न १२ जनावरको नामबाट नयाँ वर्षको नामाकरण गरेका हुन् । मुसापछि गाई, बाघ, बिरालो, सुगा, सर्प, घोडा, भेडा, बाँदर, चरा, कुकुर र मृग गरी १२ जनावरका नामबाट वर्षको नामाकरण गरिएको हो ।
तमु समाज दोधारा चाँदनीका अध्यक्ष तमान सिंह गुरुङ्गले ‘तमुल्होसार’ पर्व मनाउन तयारी सुरु गरिएको बताएका छन् । बर्ग पुजन, गुरुङ्ग सस्कृती झल्काउने पहिरन सहित सास्कृती कार्यक्रम गरि ‘तमुल्होसार’ मनाईने तमु समाज दोधारा चाँदनीका अध्यक्ष तमान सिंह गुरुङ्गले बताएका छन् ।
