-गोकुल जोशी ।
महेन्द्रनगर । कैलाली जिल्ला अदालतमा मध्यराति चोरी भएको छ । जिल्ला प्रहरी कार्यालय कैलालीका अनुसार अदालतको दक्षिणतर्फ रहेको अभिलेख शाखाको ग्रिल फोडेर चोरी भएको हो ।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
अभिलेख शाखाबाट दसी प्रमाणमा प्राप्त भएका पाँच थान मोबाइल, एक थान कटुवा पेस्तोल र त्यसका चार वटा गोली चोरी भएको प्रहरीले जनाएको छ ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
‘पछाडीतर्फको ग्रिल फोडेर चोरी भएको छ । चोरको पहिचान खुलेको छैन,’ जिल्ला प्रहरी कार्यालय कैलालीका डीएसपी कुलदीप चन्दले भने, ‘अनुसन्धान गरेर चोरको खोजी गरिरहेका छौँ ।’
![](https://nigaranikhabar.com/wp-content/uploads/2024/01/NNSWA.jpg)
कैलाली जिल्ला अदालतले मिसिल पनि चोरी भएको हुनसक्ने आशंकामा सम्पूर्ण शाखामा रिपोर्ट माग गरेको छ ।
‘सम्पूर्ण शाखाबाट प्राप्त रिपोर्ट रुजु गरेपछि मात्रै मिसिल अवस्था पत्ता लाग्छ । हामीले रिपोर्ट मगाएका छौँ,’ श्रेस्तेदार मानबहादुर बिष्टले भने ।
अदालतको सीसीटीभी फुटेजमा एक अज्ञात व्यक्ति अनाधिकृत रुपमा प्रवेश गरेको भिडिओ कैद भएको छ। सो फुटेज प्रहरीले अनुसन्धानका लागि लगेको छ ।
मध्यराति भएको चोरीको घटना अर्को दिन कार्यालय खुल्दा मात्रै बाहिरिएको थियो । कार्यालय खुल्दा कर्मचारीहरुले चोरी भएको देखेपछि प्रहरीलाई खबर गरेका थिए ।