दोधारा । दोधारा चाँदनीबाट अजिङ्गरको उद्धार गरिएको छ ।
दोधारा चाँदनी नगरपालिका– ४ पिपल चौराहबाट गएराती एक अजिङ्गरको उद्धार गरिएको दोधारा चाँदनी नगरपालिका– ४ का वडाध्यक्ष भक्त बहादुर सुनारले जानकारी दिएका छन् ।
पिपल चौराह नजिक बिरे बिष्टको भान्सामा अजिङ्गर देखेपछि स्थानियहरुले वडाध्यक्ष भक्त बहादुर सुनारलाई खबर गरेका थिए ।
वडाध्यक्ष सुनारले ईलाका प्रहरी कार्यालय दोधारा चाँदनी र शुक्लाफाँटा राष्ट्रिय निकुञ्ज मझगाँउलाई खबर गरेका थिए ।
स्थानिय, ईलाका प्रहरी कार्यालय दोधारा चाँदनी र शुक्लाफाँटा राष्ट्रिय निकुञ्जको एक टोलीले झण्डै १६ फिट लामो अजिङ्गरको सकुशल उद्धार गरि शुक्लाफाँटा राष्ट्रिय निकुञ्ज पठाईएको वडाध्यक्ष भक्त बहादुर सुनारले बताएका छन् ।
