महेन्द्रनगर । कञ्चनपुरको बागफाँटाबाट १० जना जुवाडे पक्राउ परेका छन् ।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
जिल्लाको भीमदत्त नगरपालिका–१९ बागफाटाका मिट्ठु रानाको घर पछाडीको टहरामा जुवातास खेलिरहेको अवस्थामा १० जना पक्राउ परेका जिल्ला प्रहरी कार्यालय कञ्चनपुरका सुिचना अधिकारी प्रहरी निरीक्षक पुष्करराज पन्तले बताए ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
पक्राउ पर्नेमा भीमदत्त–१९ का ४४ वर्षीय जयबहादुर महरा, ३५ वर्षीय दानी राना, ४३ वर्षीय हिरु राना, ३२ वर्षीय कैलास राना, बेदकोट–३ का ३० वर्षीय सागर बिष्ट र बेदकोट–१० का ३६ वर्षीय तिलक बैज रहेका छन् ।
![](https://nigaranikhabar.com/wp-content/uploads/2024/01/NNSWA.jpg)
यस्तै भीमदत्त–१४ का ३४ वर्षीय शेर बहादुर कुँवर, भीमदत्त–४ का ४२ वर्षीय प्रकाश भट्ट, भीमदत्त–१८ का ४३ वर्षीय ओमप्रकाश पनेरु र मेलौलि नगरपालिका–२ का ४२ वर्षीय प्रकाश चन्द रहेका छन् ।
जिल्ला प्रहरी कार्यालयबाट खटिएको प्रहरी टोलिले उनीहरुलाई १ लाख ५४ हजार ४ सय रुपैँया र ४ गड्डी ताससहित पक्राउ गरेको हो ।
पक्राउ परेका सबैजनालाई नियन्त्रणमा लिई ५ दिन म्याद थप गरि अनुसन्धान कार्य भईरहेको जनाएको छ ।