महेन्द्रनगर । कैलालीको लम्कीचुहामा एक बालक माथि हँसिया प्रहार भएको छ ।
कैलालीको लम्की चुहा–४ का प्रेमबहादुर विष्टले ११ वर्षीय बालक धिरेन्द्र थापालाई हँसिया प्रहार गरेका हुन् ।
विष्टको मानसिक अवस्था ठिक नरहेको प्रहरीले बताएको छ ।
इलाका प्रहरी कार्यालय लम्कीका अनुसार भीमबहादुर थापाका ११ वर्षीय धिरेन्द्रलाई ४५ वर्षीय विष्टले हँसिया प्रहार गरेका छन् ।
बाललाई चोट लागेको छ । उनको लालरत्न अस्पताल लम्कीमा उपचार हुँदैछ ।
विष्टलाई इलाका प्रहरी कार्यालय, लम्कीले नियन्त्रणमा लिएको छ ।
