Monday, April 22, 2024

महाकाली सिचाई आयोजनाले शुक्रबारबाट परीक्षणको लागि नहरमा पानी छोड्ने

प्रकाशित:

महेन्द्रनगर । महाकाली सिचाई आयोजना तेस्रो चरणले ब्रम्हदेव देखि शुक्लाफाटा नगरपालिका फुलेली (घर कटुवा खोला)सम्मको मुल नहरमा पानी छोड्ने भएको छ । तेस्रो चरण कञ्चनपुरले शुक्रबार देखि टनकपुर ब्यारेजबाट नहरमा नहर परिक्षणको लागि एक हप्ता पानी छोड्ने भएको हो ।

परिक्षणको लागि नहरमा पानी छोडिने हुदा नहर छेउछाउमा आफ्ना नानी,बाबु,पशुचौपाया,खुल्ला नछोड्न तथा अन्य मानवीय क्रियाकलाप नगर्न नगनराउन हुन समेत आयोजनाले सुचना प्रकाशित गरेको छ ।साथै प्रकाशित सुचनालाई अटेरी गरि कुनै मानविय क्षति हुन गएमा आयोजना जिम्मेवार नहुने सुचनामा उल्लेख गरिएको छ ।निर्माण सम्पन्न भएको मुल नहरमा परीक्षण गरेर पानी संचालनको तयार िभईरहेको आयोजनाका सुचना अधिकारी उमेश गुप्ताले बताए ।
२०५२–माघ २९ गते नेपाल– भारत बिच भएको महाकाली भएको थियो ।सन्धिअनुसार टनकपुर ब्यारेजेदखि नेपाली भुमी सम्म भारतले निर्माण गर्नु पर्ने एक हजार २ सय मिटर नहर निर्माणको काम सम्पन्न भएको छ ।महाकाली सन्धि भएको १० वर्ष २०६३–०६४ देखि निर्माण थालिएको नहरमा पानि संचालन हुने भएको हो । २२ वटा शाखा नहरहरू निर्माण भए ५३ सय हेक्टर जमिनमा सिँचाइ सुविधा पु(याउन सकिने छ । यस्तै, शाखा नहर निर्माणका लागि झन्डै ८ हेक्टर जमिन अधिग्रहण हुनेछ ।

महाकाली सिंचाइ आयोजना तेस्रो चरण कार्यालयका अनुसार पहिलो भागमा कञ्चनपुरको ब्रह्मदेव क्षेत्र दुई हजार ९०० हेक्टर र चाँदनी–दोधारा क्षेत्र तीन हजार पाँच सय १० हेक्टर गरी कुल छ हजार चार सय १० हेक्टरमा पानी पु(याउने योजना छ ।दोस्रो भागमा त्रिभुवनवस्ती क्षेत्रमा १९ हजार छ सय २० हेक्टरमा र तेस्रो भागमा कैलालीको मालाखेती क्षेत्रको सात हजार चार सय ९० हेक्टरमा सिंचाइ पु(याइने योजना छ ।यो आयोजनाबाट कञ्चनपुर र कैलालीका गरी ३३ हजार ५२० हेक्टर जमिनमा सिंचाई सुविधा पुग्नेछ ।

ताजा समाचार

सम्बन्धित समाचार