महेन्द्रनगर । कञ्चनपुर महेन्द्रनगरको बाल अनाथालयका प्रमुख एक बालिकासंग अनैतिक सम्बन्धको आरोपमा पक्राउ परेका छन् ।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
भीमदत्त नगरपालिका-४ मा रहेको समाजकल्याण बाल अञ्चल अनाथालयका प्रमुख शंकर बहादुर चन्दलाई प्रहरीले पक्राउ गरेको छ ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
जिल्ला प्रहरी कार्यालय कञ्चनपुरका सुचना अधिकारी चक्र बहादुर शाहले बालिकासंगै यौनजन्य आरोपमा कार्यालय प्रमुख चन्दलाई पक्राउ गरिएको बताए ।
![](https://nigaranikhabar.com/wp-content/uploads/2024/01/NNSWA.jpg)
‘हामीले अहिले नाबालिकालाई यौनजन्य दुव्र्यवहारको आरोपमा चन्दलाई नियन्त्रणमा लिएका छौँ, ‘उनले भने, ‘घटनाको छानबिनमै छौँ, दोषि भेटिएर कार्बाही गछौँ ।’ प्रहरीले बालिकासंग समेत सोधपुछ गरिएको छ ।
अनाथालयमै एक बालिकाले गर्भ तुहाएपछि घटना बाहिरिएको छ । गर्भ पहिचान गर्ने किड सहितको रगतको डल्लो भेटिएपछि अनाथालय बाट घटना बाहिरिए पछि प्रहरीले छानबिन गरेको हो ।
उक्त घटना कसले घटाएको र को दोषि बारे अहिलेसम्म वास्तविक एकिन भएको छैन । तर, प्रहरीले कार्यालय प्रमुखलाई पक्राउ गरेको छ ।
समाजकल्याण बाल अञ्चल अनाथालय व्यवस्थापन समितिका अध्यक्ष पुर्ण बहादुर चन्दले घटनाको विषयमा गम्भिर ध्यानाकर्षण भएको बताए ।
अनाथालयको घटना बाहिरिएपछि महेन्द्रनगर युथभ्वाईस, महिला अधिकारकर्मीले घटनाको सत्य तथ्य छानबिन गरेर दोष उपर कारवाहीको माग अघि सारेका छन ।