महेन्द्रनगर । कञ्चनपुरको भीमदत्त नगरपालिकाका नगर प्रमुख पदम बोगटीले स्थानिय तह निर्वाचनमा भएको खर्च विवरण बुझाएको जिल्ला निर्वाचन कार्यालय कञ्चनपुरले जनाएको छ ।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
नगर प्रमुख बोगटी लगाएतका उम्मेद्धवारले निर्वाचन खर्च विवरण नबुझाएको भन्ने खबर गलत भएको जिल्ला निर्वाचन कार्यालय कञ्चनपुरका प्रमुख उदयराज जोशीले बताए । उनका अनुसार निर्वाचन आयोगको प्राविधिक त्रृटीले नगर प्रमुख बोगटीले निर्वाचन खर्च नबुझाएको गलत खबर सार्वजनिक भएको हो ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
‘ निर्वाचन आयोगको प्राविधिक त्रृटीका कारण अहिले भीमदत्त नगरपालिका नगर प्रमुख बोगटीले निर्वाचन खर्च विवरण नबुझाएको भनेर गलत खबर सार्वजनिक भएको छ ।’ उनले भने ‘नगरप्रमुख बोगटीले आफ्नो निर्वाचन खर्च विवरण बुझाउनु भएको छ । हामीले (जिल्ला निर्वाचन कार्यालय कञ्चनपुर) निर्वाचन आयोगलाई नगरप्रमुख बोगटीले खर्च विवरण बुझाएको र आयोगले गलत सूचना प्रकाशित गरेकोले सच्चाउन पत्राचार समेत गरिसकेका छौ ।’
![](https://nigaranikhabar.com/wp-content/uploads/2024/01/NNSWA.jpg)
उनले अगाडी भने ‘केही दिनमा उक्त त्रृटी आयोगले सच्चाउछ ।’ उनकाअनुसार नगर प्रमुख बोगटी लगाएत अन्य उम्मेद्धवारहरुको विवरणमा पनि त्रृटी भएको छ ।