कञ्चनपुर । कञ्चनपुरको बेलौरीमा एक युवक मृत फेला परेका छन । बेलौरी नगरपालिका –१ मटैयास्थित निर्माणाधीन श्रीपुर खानेपानी ट्याङ्किमा कृष्णपुर नगरपालिका–२ वाणिका २० वर्षीय यज्ञराज भट्ट मृत फेला परेका हुन ।
बुधबार बिहानै ट्याङ्की नजिक भट्ट मृत फेला परेको प्रहरीले जनाएको छ । खानेपानीमा कार्यरत भट्टको टाउको, खुट्टा र कम्मरमा चोट लागेको ईलाका प्रहरी कार्यालय बेलौरीका प्रहरी निरीक्षक भास्कर चन्दले बताए ।
निर्माणाधीन ट्याङ्कीको छतमा उनको मोबाइल, टि–सर्ट र गन्जी समेत फेला परेको छ । अहिले भट्टको शव पोस्टमार्टमको लागी सेती प्रादेशिक अस्पताल धनगढी लगिएको छ।
