कञ्चनपुर। कैलालीको धनगढी उपमहानगरपालिका–४ बसपार्क गोल मार्केटबाट लागुऔषधसहित ४ जना पक्राउ परेका छन्।
अस्थायी प्रहरी पोष्ट बसपार्कबाट खटिएको प्रहरी टोलीले उनीहरुलाई होटल सेराको कोठामा लागुऔषध सेवन गरिरहेको अवस्थामा पक्राउ गरेको हो।
पक्राउ पर्नेमा धनगढी उपमहानगरपालिका–१२ का २२ वर्षीय किरण बम, ३५ वर्षीय अशोक चन्द, कञ्चनपुरको भीमदत्त नगरपालिका–१ का २९ वर्षीय सुरेन्द्र बिष्ट र डडेल्धुराको आलिताल गाउँपालिका–८ का २४ वर्षीय तेज बोहरा छन्।
उनीहरुको साथबाट ८० मिलिग्राम लागुऔषध खैरो हेरोइन बरामद गरिएको प्रहरीले जनाएको छ।
