महेन्द्रनगर । अखिल क्रान्तिकारीका विद्यार्थी नेता हेमराज अवस्थीको नेतृत्वमा खेलिएको होली कमिटिले महेन्द्रनगरको समाज कल्याण बाल अनाथालयको अक्षय कोषमा सहयोग गरेको छ ।

सुदूरपश्चिम विश्वविद्यालय केन्द्रीय क्याम्पसका विद्यार्थीहरूद्वारा आयोजित होली कार्यक्रमबाट संकलन भएको केहि रकम बाल अनाथालयको अक्षय कोषमा सहयोग गरिएको विद्यार्थी नेता अवस्थीले बताए ।

अनाथालयमा रहेको बालबालिकाहरूको पठनपाठन र खानपानमा केहि सहयोग होस् भन्ने उद्देश्य सहित उक्त अनाथालयको अक्षय कोषमा चार हजार रुपैँया सहयोग गरिएको हो ।

साथै अनाथालयमा रहेका बालबालिकाहरुलाई फलफुल समेत वितरण गरिएको छ । अनाथालयको अक्षय कोषमा सहयोग गर्न पाउँदा अत्यन्तै हर्षित भएको विद्यार्थी नेता अवस्थीले बताए ।