गुडिरहेको कार पुलबाट खोलामा खस्यो, चालक सकुशल

काठमाण्डौ। काठमाडौँको धोबीखोलास्थित पुलबाट आज (आइतबार) बिहान कार खसेको छ।

काठमाडौँ जिल्ला प्रहरी परिसरका प्रवक्ता एसपी नवराज अधिकारीका अनुसार अनामनगरबाट बानेश्वर जाँदै गरेको बीएए ८७१४ नम्बरको कारण आज बिहान सवा ६ बजेतिर धाेबीखोलामा खसेको हो।

कार खोलामा खसे पनि चालक ललितपुर महानगरपालिका-१ का ४६ वर्षीय विनितविक्रम सिजापति भने सकुशल रहेको प्रहरीले जनाएको छ।