काठमाडौँ। काठमाडौंको माछापोखरीस्थित एक होटलमा युवक मृत फेला परेका छन्।
काठमाडौँ महानगरपालिका १६ माछापोखरी बसन्तनगरस्थित क्यासिकल होटलमा नुवाकोट ककनी गाउँपालिका ६ घर भएका २८ वर्षीय भोला पाठक बिहीबार मृत अवस्थामा फेला परेका हुन्।
घटनाको सम्बन्धमा अनुसन्धान गरिरहेको प्रहरीले जानकारी दिएको छ।
यसैगरी माछापोखरी मितेरी पुल नजिकै अन्दाजी ५५ वर्षीय पुरूष बिहीबार मृत अवस्थामा फेला परेका छन्।
खाली जग्गामा रहेको पुरानो ठेलामाथि हाल नाम, थर, वतन नखुलेका पुरुष मृत फेला परेका हुन्।
उता ललितपुर महानगरपालिका २५ स्थित नख्खु खोलामा हाल नाम, थर, वतन नखुलेका अन्दाजी ४५ वर्षीय पुरूष बिहीबार मृत अवस्थामा फेला परेको प्रहरीले जानकारी दिएको छ।
