काठमाडौँ। डिसहोमले आफ्नो इन्टरनेट सेवामा नयाँ कनेक्सन र रिचार्ज गर्ने ग्राहकहरूलाई लक्षित गर्दै विशेष अफर सार्वजनिक गरेको छ ।
कम्पनीले आफ्ना ग्राहकहरूलाई गुणस्तरीय इन्टरनेट कनेक्सनका साथमा उपहारहरूको अनुभूति पनि गराउने उद्देश्यले ‘खुसीको सेलेब्रेसन’ नामक अफर सार्वजनिक गरेको हो ।
यस योजनाअन्तर्गत २०० एमबीपीएस र ३०० एमबीपीएसका वार्षिक प्याकेजहरूमा थप ३ महिना बोनसको सुविधा उपलब्ध हुनेछ । यस अफरले ग्राहकहरूका लागि थप फाइदा प्रदान गर्दै १२ महिनाको प्याकेज लिँदा ३ महिना निःशुल्क इन्टरनेट सेवा प्राप्त गर्न पाउनेछन् ।
यसका अतिरिक्त, ग्राहकहरूले हरेक हप्ता लक्की ड्रमा सहभागी भई आकर्षक उपहारहरू जित्न सक्नेछन्। हप्तामा १२ भाग्यशाली विजेताहरूले डीएचआई होम एप्लाइन्सेजका सामानहरू, इन्टेल ए६०एस स्मार्ट फोन, मिभी डुपोड्स टी२० इयर बड्स र डिसहोम फवरके स्ट्रिमर जस्ता उपहारहरू जित्न सक्नेछन् ।
यति मात्र होइन, बम्पर लक्की ड्रअन्तर्गत एक भाग्यशाली विजेताले डीएचआई होम एप्लाइन्सेजको फ्रन्ट लोड वासिङ मेसिन जित्न सक्नेछन् । यसले गर्दा ग्राहकहरूका लागि यो अफर थप रोमाञ्चक बनेको छ ।
डिसहोमले आफ्ना ग्राहकहरूका लागि विभिन्न अन्य छुटहरू पनि उपलब्ध गराएको छ । डीएचआई होम एप्लाइन्सेजका सामानहरूमा ४० प्रतिशतसम्मको छुट, मिभी डुपोड्समा ५४ प्रतिशतसम्म छुट र फायरबोल्ट स्मार्ट वाचमा ७० प्रतिशतसम्मको विशेष छुट प्राप्त गर्न सकिन्छ ।
यस अफरमा सहभागी हुनका लागि ग्राहकहरूले डिसहोम इन्टरनेटको तीनमहिने वा सोभन्दा माथिको प्याकेज खरिद गर्नुपर्नेछ । नयाँ कनेक्सन लिँदा वा रिचार्ज गर्दा ग्राहकहरू लक्की ड्रमा सहभागी हुन पाउनेछन् ।
डिसहोमले इन्टरनेट सेवामा गुणस्तर र सुविधा प्रदान गर्दै ग्राहकहरूको आवश्यकतालाई सम्बोधन गर्ने उद्देश्यले यी आकर्षक अफरहरू सार्वजनिक गरेको बताएको छ ।
