महेन्द्रनगर । नेपाली कांग्रेसका केन्द्रीय सदस्य, पूर्व मन्त्री तथा कञ्चनपुर क्षेत्र नं. ३ का उम्मेदवार रमेश लेखकले कञ्चनपुरलाई त्रिदेशीय नाकाका रुपमा विस्तार गर्ने आफ्नो सपना भएको बताएका छन् ।
कञ्चनपुरलाई त्रिदेशीय नाकाका रुपमा विस्तार लगायत स्थानीय स्तरमा विकास निर्माणका गतिविधिहरु अगाडि बढाउने एजेण्डाका साथ नेता लेखक चुनावी माहोलमा छन् । त्रिदेशीय नाका बारे अवगत गराउदै उनले भने ‘यो ठाउँलाई दक्षिणतिर मित्रराष्ट भारतलाई जोड्ने र उत्तरतर्फ मित्रराष्ट चीनसँग जोडेर यसलाई यो देशको धेरै ठूलो व्यापारिक औद्योगिक, धार्मिक, पर्यटकीय नाकाका रुपमा यसलाई विकास गर्न सक्छौँ भन्ने मेरो विश्वास छ ।’
कञ्चनपुरलाई त्रिदेशीय नाका बनाउनका लागि आफुले महाकाली नदीमा पुल निर्माण गरिसकेको, यद्यपी स्वंम मन्त्री भएको बेला टेन्डर गरेर निर्माणको काम प्रारम्भ गरेको नेता लेखक बताउछन् ।
‘त्यसको भएको हुनाले यो पुल निर्माणको काम त्यही त्रिदेशीय नाका बनाउनका लागि हो र दोधारा चाँदनीमा सुख्खा बन्दरगाह बनाउने, महाकाली नदीमा पुल बनिसकेको छ, अनि सुख्खा बन्दरगाहसम्म मित्रराष्ट भारतले पनि आफ्नो सडक जोड्छ र महाकाली किनारकिनार सडक निर्माण गरेर चीनको तिव्वतलाई जोड्छौँ र यो नेपाल भारत र नेपाल चीनका बिचमा सबभन्दा ठूलो नाकाका रुपमा विकास हुन्छ ।’ कांग्रेस नेता लेखकले भने ।
