–हरिस ऐर ।
महेन्द्रनगर। कञ्चनपुरको भीमदत्त नगरपालिकामा वडातहमा उत्कृष्ट कार्य गर्दैै आएका १७ नं. का वडाध्यक्ष पदम बुडाले सडकका मोडहरुमा ऐना जोडेका छन् । सडक दुर्घटना न्यूनिकरणका लागि वडाध्यक्ष बुडाले भीमदत्त–१७ विभिन्न सडक मोडहरुमा ‘कन्भेक्स’ ऐना जडान गरेका हुन् ।
३ असोज, अर्थात शुक्रबार संविधान दिवसको अवसर पारेर वडाध्यक्ष बुडाले सडक सुरक्षाका निम्ति ‘कन्भेक्स’ ऐना जडान गरेको बताए । उनले भीमदत्त–१७ अन्तर्गत पर्ने सडक दुर्घटनाका जोखिम रहेका आठ ओटा सडकका मोडहरुमा उक्त ऐना जोडेका हुन् ।
सडक सुरक्षा, जीवन सुरक्षा रहेको बताउँदै वडाध्यक्ष बुडाले ऐना जोडेको बताए । ‘सडक सुरक्षा जीवन सुरक्षा हो, त्यस्तैले हामीले वडामा सडक दुर्घटनाको जोखिम रहेका विभिन्न आठ ओटा मोडहरुमा मिरर जडान गरेका हौं ।’ वडाध्यक्ष बुडाले भने, ‘सडक दुर्घटना न्यूनिकरणका लागि हामी प्रयत्नशील छौं, सडकको स्तरोन्नती संगै मोडहरुलाई पनि व्यवस्थापन गर्नुपर्छ, त्यसकालागि हामी काम गर्दैछौं ।’
भीमदत्त नगरपालिका–१७ मा युवा स्वरोजगार, वृद्धवृद्धा सहाय, गरिब विपन्न लक्षित एवं धर्म संस्कृति रक्षार्थ तथा खेलकुद प्रवद्र्धन लगायतमा वडाध्यक्ष बुडाले प्राथमिकता संगै सिर्जनात्मकता देखाउदै आएका छन् । उनले वडामा दर्जर्नौ उदाहरणीय एवं उत्कृष्ट काम गरेको दावि गरेका छन् ।
