काठमाडौँ । नेपाली कांग्रेसका प्रमुख सचेतक श्यामकुमार घिमिरेले यौन व्यवासय खुल्ला गर्नुपर्ने भन्ने अभिव्यक्तिप्रति माफी मागेका छन् ।
आजको बैठकमा घिमिरेले यसअघि दिएको अभिव्यक्ति कांग्रेस संसदीय दलको नभई आफ्नो निजी रहेको बताउँदै क्षमायाचना गरेका हुन् । बैठकको सुरुमै बोल्दै उनले भने ‘मैले व्यक्त गरेको धारणा एउटा संसद्को हैसियतले विशेष सन्दर्भमा राखेको व्यक्तिगत धारणाहरु हुन्।
यो धारणा नेपाली कांग्रेस पार्टी र संसदीय दलको आधिकारिक धारणा होइन। यी विचारहरुले सम्मानित संसद्का सदस्यहरु एवम् अन्य जनसमुदायमासमेत केही नकारात्मक प्रभाव परेको भए म उहाँहरुको सम्मान गर्दै उहाँहरुसँग क्षमायाचना गर्दछु,’ ।
