कञ्चनपुर। कञ्चनपुरको भिमदत्त नगरपालिका वडा नं. ४ महेन्द्रनगर बजारमा राति ८:३० बजे शंका चेकजाँचका क्रममा २ जनालाई लागू औषध हेरोइनसहित पक्राउ गरिएको छ।
पक्राउ पर्नेमा २८ वर्षका सागर जोशी र २७ वर्षका निरज बहादुर चन्द रहेका छन्।
उनीहरूलाई १३० मिलिग्राम र ३ ग्राम ११० मिलिग्राम हेरोइन जस्तो देखिने धुलो पदार्थसहित नियन्त्रणमा लिइएको हो।
प्रहरीले उनीहरूलाई वडा प्रहरी कार्यालय महेन्द्रनगर ल्याएर थप अनुसन्धान सुरु गरेको जनाएको छ।
