काठमाडौँ। रामेछापमा सवारी दुर्घटना हुँदा ५ जनाको मृत्यु भएको छ।
गोकुलगंगा गाउँपालिका ६ सिमलडाँडाको भिरमा फोर्स गाडी दुर्घटना हुँदा ५ जनाको घटनास्थलमै मृत्यु भएको र अरु ३ जना घाइते भएको रामेछापका डीएसपी प्रदीप सिंहले बताए।
गाडीमा ८ जना सवार थिए। घाइते एक जनालाई मन्थली अस्पताल र एकजनालाई तामाकोसी अस्पतालमा उपचारका लागि लगिसकिएको रामेछापका प्रमुख जिल्ला अधिकारी राजु प्रसाद पौडेलले बताए।
एक जना घाइते बाटैमा छन्। गाडी काठमाडौँबाट रामेछापको बेतालीतर्फ गइरहेको थियो।
