सुनसरी। सुनसरीमा मोटरसाइकल दुर्घटना हुँदा एक जनाको मृत्यु भएको छ ।
बुधबार दिउँसो इटहरी उपमहानगरपालिका-२, आँपगाछीमा प्रदेश १-०२-०५४ प १७२ नम्बरको मोटरसाइकल अनियन्त्रित भएर पल्टिएको हो ।
दुर्घटनामा मोटरसाइकल चालक इटहरी उपमहानगरपालिका-२ का २४ वर्षीय निराज बजगाईंको मृत्यु भएको जिल्ला प्रहरी कार्यालय, सुनसरीले जनाएको छ ।
दुर्घटनामा गम्भीर घाइते भएका बजगाईंको विराटनगरस्थित न्यूरो अस्पताल उपचारका क्रममा मृत्यु भएको हो । घटनाबारे थप अनुसन्धान भइरहेको प्रहरीले जनाएको छ ।
