कञ्चनपुर। कैलालीमा लागुऔषध खैरो हेरोइनसहित दुई जना पक्राउ परेका छन्।
धनगढी उपमहानगरपालिका–३ भन्सार कार्यालय नजिकबाट धनगढी–१३ का १९ वर्षीय निरज राना र सोही ठाउँका २१ वर्षीय सुनिल राना पक्राउ परेका हुन्।
प्रहरीका अनुसार निरजले चलाएको से ७ प ६३५९ नम्बरको मोटरसाइकललाई जाँच गर्दा मोटरसाइकलको अगाडीको हेडलाइटको भागमा लुकाएको ५ ग्राम ८४० मिलिग्राम लागुऔषध खैरो हेरोइन बरामद गरिएको छ।
मोटरसाइकलको पछाडि सवार अर्का युवक सुनिललाई पनि नियन्त्रणमा लिएर अनुसन्धान भइरहेको प्रहरीले जनाएको छ।
