कञ्चनपुर। कञ्चनपुरको भीमदत्त नगरपालिका–३ तिलकपुरमा आगलागी भएको छ।
स्थानीय कमला कठायतको इटाबाट बनेको र टिनले छाएको ३ कोठे कच्ची गोठमा आगो लागेको हो। प्रहरीका अनुसार कठायतले बालेको आगो गोठभित्र रहेको परालमा सल्केको थियो।
आगलागीबाट गोठभित्रको तीन लाख बराबरको अन्नपात, काठ लगायत धनमाल जलेर नष्ट भएको छ।
आगलागीबाट एउटा भैँसी र पाडो जलेर घाइते भएको छ। स्थानीय र दमकलको सहयोगमा आगो नियन्त्रणमा लिइएको थियो।
