काठमाडौं। भारतीय गायिका नेहा कक्कर र उनका श्रीमान रोहनप्रीतलाई ज्यान मार्ने धम्की आएको छ।
उनीहरूलाई निहंगमान सिंहले ज्यान मार्ने धम्की दिएका हुन्। निहंगमानले एक भिडिओ सार्वजनिक गर्दै नेहा र रोहनप्रीतलाई सामाजिक सञ्जालमा ‘आपत्तिजनक कन्टेन्ट’ नहाल्न चेतावनी दिएका छन्।
उनले आफ्नो फेसबुक लाइभमार्फत नेहा र रोहनप्रीतलाई ‘अश्लील’ तस्बिर र भिडिओ हटाउन बताएका छन्।
‘कृपया नेहा कक्कर सामु हाम्रो सन्देश पुर्याउनु कि एक श्रीमती र उसका श्रीमानको सम्बन्ध पर्दा पछाडि रहनुपर्छ। यिनीहरूले पञ्जाबलाई बर्बाद गरिसके। फिल्म स्टार र गायक भएको हिसाबले तपाईहरू आफ्नो काम र सोच पनि राम्रो राख्नुस्। यस समय पञ्जाबमा नशा र अश्लीलताको नदि बगिरहेको छ,’ निहंगले भनेका छन्।
