कञ्चनपुर। उत्कृष्ट काम गर्ने प्रहरी अधिकारीहरुलाई सम्मान गरेको छ। प्रहरी दिवसका अवसरमा बुधबार उत्कृष्ट काम गर्ने प्रहरी अधिकृत एव कर्मचारीलाई नगद पुरस्कार प्रदान गरेको हो।
जिल्ला प्रहरी कार्यालय कञ्चनपुरका डिएसपी उमेश जोशी, प्रहरी सहायक हवल्दार निवास लुहार, प्रहरी निरीक्षक बीर बहादुर बोहरा, प्रहरी सहायक निरीक्षक महानन्द जोशी, प्रहरी बरिष्ठ हवल्दार दीपक बहादुर विष्ट, कृष्णदेव पन्त, प्रहरी हवल्दार सुरेन्द्र दमाई, जवानद्वय प्रेम बहादुर तिरुवा र पुष्पा भट्टलाई सम्मान गरिएको छ।
कार्य क्षेत्रमा हौसला प्रदानका लागि उत्कृष्ट काम गर्ने प्रहरीलाई नगद सहित सम्मान गरिएको जिल्ला प्रहरी कार्यालय कञ्चनपुरका एसपी चक्रराज जोशीले बताए।
भलिबल प्रतियोगितामा प्रथम हुने टिमका प्रहरी वरिष्ठ हवल्दार कृष्णदेव पन्त, हवल्दार प्रकास सिंह रावल, सहायक हवल्दार हिक्मत सिंह खाती, जवान भानसिह ठगुन्ना, धिरेन्द्र सिह धामी, उदिप बस्केल, जनक साउद रहेका छन। प्रहरी दिवसको अवसरमा उनीहरु पनि सम्मानित भए।
ब्याडमिन्टन डबल्समा डिएसपी उमेश जोशी, उदिप बस्केललाई पुरस्कार प्रदान गरिएको छ। निबन्ध प्रतियोगितमा लिटिल बुद्धका छात्र आयुस थापालाई नगद १० हजार सहित पुरस्कार प्रदान गरिएको छ।
पूर्व–प्रहरी नायब निरीक्षक धनीराम पनेरु, सहिद परिवार कुसुम चन्द र अमर प्रहरी भोजराज पन्तलाई मरोणाप्रान्त पुरस्कार प्रदान गरिएको छ।
