कैलाली। कैलालीको गोदावरीका एक युवक कास्कीको पोखरामा मृत फेला परेका छन्।
गोदावरी नगरपालिका वडा नम्बर ८ स्याउलेका ३१ वर्षीय राज थापा पोखरा महानगरपालिका वडा नम्बर ६ को स्ट्रीट नम्बर १६ स्थित होटल निम्तोको स्टोर रुममा झुण्डिएको अवस्थामा मृत फेला परेका हुन्।
कैलाली घर भइ चितवन बस्दै आएका थापा होटलमा मृत फेला परेको वडा प्रहरी कार्यालय वैधाम पोखराका प्रहरी नायब उपरीक्षक सन्तोष निरौलाले बताए।
थापा श्रीमती राधा थापा र ११ वर्षीय छोरा सहित राधाका माइतीपक्षका ७ जना संगै घुम्न पोखरा पुगेका थिए। श्रीमतीसहित संगै पोखरा पुगेकाहरुसंग सोधपुछ भइरहेको प्रहरीले जनाएको छ।
शव अहिले पोष्टमार्टमका लागि गण्डकी क्षेत्रीय अस्पतालमा राखिएको छ। घटनापछि मृतकका बुवा, दिदीसहित आफन्त पोखरा पुगेका छन्।
