महेन्द्रनगर । दार्चुलामा ८ जना जुवाडे पक्राउ परेका छन् । आइतबार राति गोप्य सुचनाको आधारमा प्रहरीले दार्चुलाको महाकाली नगरपालिका–४ खलंगा विद्यानगरबाट ९३ हजार रुपैँया सहित ८ जनालाई जुवाखालबाटै पक्राउ गरेको हो ।
गोबिन्द धानुकको घरको माथिल्लो तल्लामा लुकीछिपी जुवातास खेलिरहेको अवस्थामा जिल्ला प्रहरी कार्यालय
दार्चुलाबाट खटिएको प्रहरी टोलीले खानतलासी गर्दा घरको कोठाबाट जुवातास खेलिरहेको अवस्थामा घर धनी धानुक सहित ८ जना जुवाडेलाई नगद ९३,२२०रुपैँया र १ गड्डी तास सहित नियन्त्रणमा लिएको प्रहरीले जनाएको छ ।
