ट्यूसन पढ्न जाने क्रममा डडेल्धुराको एक खोलामा बगेर बालिकाको मृत्यु

डडेल्धुरा । डडेल्धुरामा खोलामा बगेर एक बालिकाको मृत्यु भएको छ। शुक्रबार विहान जिल्लाको पर्शुराम नगरपालिका–८ धनुचेकी करिब १५ वर्षीया बालिका प्रतिभा धामीको खोलामा बगेर मृत्यु भएको हो।

श्री बैजनाथ माध्यमिक विद्यालयमा ट्यूसन पढ्न जाने क्रममा सोही स्थानको जम्रानी खोला तर्ने क्रममा खोलाले बगाएर उनको मृत्यु भएको प्रहरीले जनाएको छ।